الحوكمة المفتوحة و الدكتاتورية كيف الفرق بين طهور بالزّازا وطهور بالسّاكتة | Initiative #7ell pour l' #OpenGov en Tunisie

   
حلّ" :  مبادرة لترسيخ مبدأ الشفافيّة في عمل المجلس التأسيسي والحكومة"
(صفحة حلّ على الفايسبوك)
   أيّا سيدي خويا شدّ عندك : اللّي يقولولها "الحوكمة المفتوحة" هي وسيلة لا بعدها وسيلة باش تضمن الشفافية متاع الحكم في البلاد باش نمنعو رواحنا من دكتاتوريّة جديدة في المستقبل, الفرق بين بلاد فيها حوكمة مفتوحة وبلاد فيها دكتاتورية كيف الفرق بين طهور بالزّازا وطهور بالسّاكتة.

ومختصر الحديث فإنّو مبادرة " حلّ" من أجل "الحوكمة المفتوحة" أو OpenGov تعني أنّ البرلمان والحكومة والدّولة جملة ما تعيّن إبرة في خيط إلاّ ما تضوّيلك آش قاعدة تعمل وعلى أيّ أساس ومقترحات وإحصائيّات باش تاخذ قراراتها ...  ويقول القايل إيه ومن بعد آش باش نربحو منها الحكاية هذي ؟ يا سيدي ربحنا هو أنّو بلادنا ما تخبّي علينا شيئ والناس اللّي حطّيناهم في الكراسي متاع المجلس التأسيسي واللّي باش يجيو بعدهم هوما يخدمو من جهتهم ربّي يعينهم ونحنا نعسّو ونشوفو آش قاعدين يعملو بالوقت باش كي نبداو عندنا رأي وإلاّ صوت نحبّو نبلّغوه يوصل في الوقت المناسب موش بعد ما يصوّتو على القوانين ويقرّرو سياسة البلاد ووقتها تولّي لغة حُصّل ما في الصدور ونرجعو إلى لغة قبل متاع شدّ بلاصتك أنا الحاكم نعرف مصلحتك وإنتي تسكت وإلاّ صبّ على روحك البنزين ...

ثمّا شكون ينجّم يقلّي أنا ما نحبّش نفهم وإلاّ ماعنديش قدرة باش نفهم وإلاّ ماعنديش وقت ... موش مشكل صاحبي دزّ معانا وساند مبادرة " حلّ " (اللّي هي مبادرة الحوكمة المفتوحة في تونس) وآش عليك ثمّا آلاف التوانسة عندهم رأي ومعرفة و يحبّو يتبّعو بلادهم وين ماشية مع الحكومة هذي وإلاّ مع غيرها.
مُخّ الهدرة توّا نحبّو المجلس التأسيسي وقت اللّي باش يصادق على النّظام الدّاخلي متاعو نهار الجمعة 6 جانفي 2012 ينصّ على فصل يلتزم فيه باش ينشر في الرائد الرسمي وفي الأنترنات كلّ الإقتراحات والكلام اللّي يتقال بين 4 حيوط في جلسات اللّجان متاعو وينشرلنا المحضر متاع كلّ جلسة على الأنترنات بالوقت باش نقراوه ونعملو رأي ونقترحو كان لزم ونمارسو المواطنة متاعنا اللّي ماتت عليها الشهداء على خاطر راهو النواب والوزراء يغلطو وينجّمو ينساو الّي وعدونا بيه في الحملة الإنتخابيّة و كلّ حزب في آخر حلقة راهو يضرب على درابوه, هذاكا هو الواقع, وهاكم شفتو آش صار من 23 أكتوبر حتّى لين وفى عام 2011 ونحنا في هاك السردوك نريّشو.


une initiative du groupe OpenGovTN


حكاية "الشعب قال كلمتو" على العين والرّاس وصالحة لكل مكان وزمان أمّا الشّعب يقعد ديما عندو رأي يلزم يوصّلو في الوقت حتّى بعد ما صوّت في إنتخابات خاطر كي تصوّت مرّة في 5 سنين ربّي وحدو يعلم آش ينجّم يصير فيهم الـ 5 سنين وأنتي لا تدري ولا تشوف.
ونزيدك زيادة شدّ عندك : الدّولة التونسيّة خذات قروض بقيمة ألف مليار (يا بوقلب) معناها 1.000.000.000 دولار أمركي  أضربهم في 1,4 بالدينار التونسي من أجل  تمويل برنامج دعم الإصلاحات "الحوكمة والتنمية التشاركية" و تمويل برنامج دعم الإصلاحات "الحوكمة والفرص". وهذا نصّ القانون بالنسبة للنّاس اللّي تحبّ تثبّت : إنزل هوني

وكيف ما يقولو "بحيثُ" حكاية "حلّ" أو "الحوكمة المفتوحة" يضهرلي واضحة وما تنجّم كان تخدم مصلحة البلاد وماهاش بدعة تونسيّة لأنّو العالم المتقدّم والديمقراطي الكلّو ماشي فيها (مثال دستور إيزلنداواللّي موش حابب على الشفافية من بين النواب متاعنا المُحترمين ما عليه كان يفسّر للناس اللّي حطّوه في الكرسي علاش ما يحبّش يضوّيلهم الرّواند وكلام التّراكن وعلاش مكبّشين في مبدأ سريّة أعمال اللّجان في المجلس التأسيسي ... مطلب #7ell واضح: الشفافيّة. الشفافيّة باش ما يجيش نهار بعد ما يفوت الفوت نقولو لبعضنا : ما قالولناش, ما فيبالناش ... لو كان سمعنا وقتها رانا وصّلنا صوتنا.


L'assemblée constituante vue par #7ell #OpenGovTN

L'initiative #7ell (OpenGovernment) est là pour faire pression sur les actuels décideurs en tout lieu  de la Tunisie pour leur imposer la transparence lors de la prise de décision concernant la gestion des affaires publiques en génaral. Tant qu'ils débattent de notre avenir, tant que nos impôts servent à payer leurs salaires et tous les frais de l'assemblée constituante, tant qu'on n'est pas encore en dictature, tant que les députés que nous avons élu nous sont redevables de leurs sièges, nous avons le droit d'être informés de tout ce qui se passe, de tous les PV des réunions de l'assemblée, des commissions, des propositions, des débats ... 

A bon entendeur, le temps de subir la décision est révolu, les temps révolutionnaires et démocratiques sont nécessairement ceux de la décision interactive, le choix s’opère après  avoir permis aux citoyens de voir où est ce qu’on les mène. Tout doit se faire selon un mode de prise de décision qui permet à la société civile de faire entendre sa voix en temps utile avant le vote ou l'adoption des choix politiques.

Cette mobilisation tend à faire savoir à l'assemblée constituante de Tunisie, qui s’apprête à adopter son règlement intérieur le 6 janvier 2012,  qu'elle se doit d'être transparente, qu'elle se doit d'adopter l' OpenGov dans ses travaux lors de   l'assemblée générale et surtout lors des travaux de ses commissions spéciales, Ad-Hoc ou permanentes.

Avec le groupe "OpenGovTN" et son initiative #7ell (hashtag Twitter), je me permets de réclamer haut et fort le respect et la transparence que me doivent le gouvernement et l’assemblée constituante car, comme toi,  j’ai toujours quelque chose à dire chaque fois qu’il est question de mon avenir et de mon pays : la Tunisie.

2 Responses to الحوكمة المفتوحة و الدكتاتورية كيف الفرق بين طهور بالزّازا وطهور بالسّاكتة | Initiative #7ell pour l' #OpenGov en Tunisie

Leave a Reply